Langt síðan síðast :)

Jæja, mjög langt síðan ég skrifaði hér !!

Ég fékk leiðindar influensu og slæma barkabólgu í ofanálag og ég bara steinlá í um 2 vikur :o fór frammúr og fór á æfingu eftir rétt rúma viku í rúmlegu, og mér sló svona niður að ég lá í aðra viku :o

Jahérna hér.

Námskeiðið sem ég fékk í afmælisgjöf tikkar ennþá og ég bara búin að mæta í 1v af 3 :o hrikalegt alveg, og svo í ofanálag þá missti ég stjórnar af matarræðinu :o

Ég er hinsvegar ekki búin að þyngjast um það sem ég var búin að missa, en það er ekkert langt í það ef ég kem mér ekki í gírinn aftur :o

Ég er alveg að kúka á mig mér finnst svo erfitt að byrja matarræðinu aftur hehe

Góði hlutinn af þessum veikindum er sá að ég er ekki alveg eins háð pepsí maxinu, fæ mér oftar og oftar vatn að drekka bara :) sem er fínt

Jæja, skal stympla mig inn á morgun til að segja frá hvað ég er þung :) Alltaf vigtaður á mánudag á  námskeiðinu hehe, þá í öllum fötum og skóm.
Stend örugglega í stað bara :/

Vikan sem er nr 4 :)

Jæja jæja :) Vika 4 bara búin.

Í Þessarri viku gerðist svosem ekki mikið, ég hoppaði einsog andskotinn hérna heima og uppskar svo sárar harðsperrur í fótunum að ég átti erfitt með að setjast á klóið haha
Pepsí maxið er bara :) og ekkert meira um það að segja haha

Fyrsti í nammidegi var hryllingur. Magakvalirnar sem ég fékk voru engu líkar og ég hélt ég myndi drepast, mér var meira að segja svo illt að vinkona mín var að spá í að keyra mig uppá bráðamóttöku í staðinn fyrir að fara með mig heim hehe
nammidagur nr 2 sem var núna á laugardaginn var aðeins skárri, líklega því ég fór í þorrablót hjá ömmu og fór ekkert mikið í þetta óhollasta :) Ætlaði að fá mér kfc og svo í ísbúðina en nei nei hehe
Fór jú smá í nammiland en meira en helmingur af namminu sem ég keypti er inní skáp, mars kakan sem ég ætlaði að baka er ennþá bara hugmynd hehe geri hana kanski á næsta laugardag, keypti mér svo uppáhalds kexið mitt, mhm það er enn inní skáp og ég sem keypti mér líka þristapoka og ætlaði mér sko að fá mér feita þrista, en nei nei ég fékk í magann og hafði svo bara enga lyst hehe þannig að þetta er hálf glatað dæmi hehe

Og það skrítnasta við þetta er að ég fæ alltaf í magann og verð hálf asnaleg daginn eftir :o kanski er það bara fyrst ég veit ekki hef aldrei komist svona langt í þessu matarræði áður, en við bara sjáum til :)

Verð samt að viðurkenna að þessir dagar eru smá erfiðir, fór til vinkonu minnar í gær og hún var að gera bollur, mig langaði svo mikið í bollur haha svo er baunasúpan, ég ELSKA baunasúpu
Spá í að fá tengdapabba til að geyma smá lögg handa mér :)

Svo er ég að verða 30 ára núna 8 apríl, gamla geitin hehe ég ætla að halda uppá afmælið þann 11 apríl (á eftir að bjóða fólki) og ég hafði það á laugardegi því ég ætla sko að belgja mig út af kökum og brauðréttum :) já maður er farin að plana lífið eftir þessu matarræði haha :)

En já nóg af rausi :) í þessarri viku fór kíló :) Og það þýðir að ég er komin í 5 kg frá því ég byrjaði :D Vííí og í tilefni þess fór ég í klipp og lit hjá Hárakademíunni :)
Mér var ráðlagt að gera alltaf svona markmið og ná þeim og verðlauna mig :) ég er alveg sammála því ef maður hefur verðlaunin á raunhæfu verð bili hehe

Og svo í lokin
Ég er að taka þátt í svona "ekki vigta þig í mánuð" átaki :) Þannig að ég fer ekki á vigtina fyrren 14 mars, verður MJÖG erfitt því ég er vigtanasjúk en ég vona bara að ég sjái ágætis tölu eftir 4 vikur :)

Endilega skellið inn kommenti :) Finnst svo gaman að lesa þau og sjá að fólk er að skoða hjá mér rausið :)

Og þá var vika 3 :)

Vika 3 var, já öðruvísi svolítið :) 
Gengur samt vel :) á meðan vigtin fer niður þá er ég ánægð :)
Hélt ég væri að fá of mikla fitu og minnkaði hana niður í mjög litla fitu, og morguninn eftir var ég búin að þyngjast :o Þannig að ég jók hana aftur og léttist smávægilega :)
Ætla aðeins að skoða dagana hjá mér í myfitness pal næstu viku og sjá sirka hvernig dagarnir eru í kolvetni, fitu og próteini :)

Auk þess sem ég ætla að reyna að pota æfingum inn :) ætla að sprika hérna heima hvern morgun í smá stund :) þarf bara að hafa mig í það.

En í dag er 12 dagurinn á cn :) Og LOKSINS komið að nammidegi :) ég ætla að tríta mig því ég er búin að vera svo dugleg. Ætla sko að fá mér kfc (sem er mitt uppáhald) og nammi :) Nomm nomm nammidagurinn minn er í 6 tíma og ég ætla að byrja kl 5 og enda kl 11 og fer þá bara að sofa :)
Kl er bara hálf 2 núna haha get ekki beeeeeeðið :)

En allavega þessa vikuna er farið 1.1 kg sem þíðir að það eru farin 4 kg á 3 vikum, samt eiginlega  bara 2 vikur þarsem fyrsta vikan fór í smá fokk :) Ég er bara nokkuð ánægð með það :) og held ótrauð áfram :)

Ætla að reyna að minnka pepsí maxið aftur :o já ég féll alveg þokkalega í pepsí max bindindinu mínu :o og ég er að spá í að drekka það áfram, en í hófi. jafnvel bara að leyfa mér 1 glas á kvöldin eða eitthvað þannig :) Æ ég er enn að melta þetta, ég bara get ekki hætt og ég ætla ekkert að neyða mig til þess strax. Finnst alveg nóg að taka mataræðið og breyta því svona rosalega.

En jæja nóg af bulli í mér í dag :) 

Eftir 2 vikur :)

Jæja 2 vikur af nýja "lífinu" búnar :)
Gekk hræðilega fyrstu vikuna og fóru þá 100gr af, seinni vikan gekk hinsvegar mikið betur og var vigthildur mjög örlát við mig :) Heil 3 kg sem fuku þessa vikuna :) Vá hvað ég er ánægð, en veit það þó að þetta er mikið til vatnslos en vonandi smá fitutap :)

Ég byrjaði að fylgja matarræði á mánudaginn sem heitir Carb Nite og er svipað og lkl nema aðeins strangari og svo 1 nammidagur í viku :) En í byrjun á maður þó að hreinsa í 9.5 dag og svo nammi, en ég aðeins lengi hana því ég vil hafa nammidaga á laugardögum :) Nammiland og það, you know hihi

Besta í heimi og nammið mitt er rjómi og walden farms pancake sirup saman í skál, og þeytt, það er einsog hin besti karamellubúðingur með rjóma :) syndsamlega gott hihi
Á samt frekar erfitt með að fá fituna svona ef hún er ekki úr rjóma, því ég er svo hrikalega hugmyndasnauð :/ En ég reyni allavega mitt besta og meina það eru farin 3 kg :)

Er svo líka að reyna að hætta pepsí maxinu. hætti í heila 3 daga í vikunni :) Eeeeeeen féll á þessu og þamba nú maxið einsog ég fái borgað fyrir það.
Ekki nógu og sniðugt, tek mig til og hætti aftur þegar þessir 2 lítrar sem ég á klárast hihi
Keypti mér svona Jarðaberja low carb mineral drink á 50% afslætti í Nettó :) held að það sé sniðugt,  mér finnst allavega jarðaberjasvali mjög góður haha :)

Jæja hef þetta ekki meir í kvöld :)

Endilega kommentið þið hjá mér :) Finnst svo gaman að fá komment

Kv

Viku seinna :)

Jæja. komin viku prufukeyrsla á hollustu og hreyfingu, og ég get staðfest það hér með að það var hvorugt í hávegum haft þessa vikuna :/
Komst að því í gær af hverju ég er búin að vera með brjálaða sælgætis og nartþörf þessa vikuna, og kenni ég fröken rósu um það !! Allt henni að kenna !! :)

EN hey, það jákvæða er að fröken vigthildur sagði mig heilum 100gr léttari þennan laugardaginn heldur en þann seinasta :) Vúbb vúbb þrátt fyrir þyngdaraukningu sem fylgir henni rósu og bilað sukk og svínerí þessa viku :) Tel það nú bara jákvætt !

Tók mig til áðan og tók "fyrir" myndir (eða kallinn tók þær) og fékk smá sjokk þegar ég skoðaði þær í tölvunni. Sjitturinn titturinn og allt það hvað ég er orðin feit :o vissi það alveg en vissi það samt ekki, æ skiljiði mig ?

Þannig að núna ætla ég að koma mér í það, að kaupa kort í ræktina og actually að mæta í ræktina í staðinn fyrir að kaupa áskrift og vera stuðningsaðili :) Hef í ófá árin verið einn af þeim sem heldur stöðinni uppi hehe ;)

Ég er rosalega mikið að spá í matarræðið, hvað ég á að gera.
Er búin að komast að því að mig langar ekki á herbalife (á samt helling af því) kallinn segir að ég eigi að fara í það að borða allt, en í hófi og kanski minnka sætindi og kex.
Mig langar mikið að fara á carb nite, mér leið mjög vel líkamlega þegar ég var á því en hausinn á mér er svo klikk að ég gefst alltaf upp.
Var á lkl og það gekk mjög vel fyrir utan það að ég fékk engann nammidag, ég verð að hafa nammidag/svindl dag til að halda út lífið bara :) Verð að geta fengið mér það sem ég vil þó það sé bara 1 dag, ég get ekki andlega bannað mér allt, þá fer ég mjög niður á andlega sviðinu.
Eina með carb nite, er að það er dálítið dýrt, samt ekki ef maður miðar við það sem maður eyðir í óþarfa hihi

Æ ég er svo óákveðin :) Ætla að passa mig bara þartil ég tek ákvörðunina um hvað ég geri :)

Jæja viku markmiðin eru nokkurnvegin þau sömu hehe

Vikumarkmið

Borða reglulega
Drekka meira vatn (þó að það sé með smá djús bragðefni)Reyna að gera magaæfingar eða eitthverja smá þjálfun hérna heima.

Minnka kex át

Mitt nýja líf.

Jæja, þá er komið að því..
Frökenin ætlar að reyna að koma sér í sitt besta form, bæði andlega og líkamlega.
Ég ætlaði mér alltaf að vera rosa flott og slim þegar ég færi í nýjan tug, en í staðinn þá verð ég það á árinu (vonandi) ;) Hihi Rokka svo næsta tug fyrir ofan og verð one sexy mama hihi ;)

Ég er búin að byrja á einu aðhaldi og gefast upp, fara yfir í annað og gefast upp og þar frammeftir götum. Alltaf að byrja og hætta, byrja og hætta og ég stofnaði þetta blogg til að koma frá mér mínum hugsunum og kanski fá smá pepp í kommentum.

Ég ætla ekki að byrja of skart, svo ég gefist ekki upp strax og ætla ég mér að setja mér lítil vikumarkmið til að byrja með.
Mig langar rosalega á námskeið í reebok fitness sem heitir Nýtt líf, og er með biggest loser þjálfaranum Gurrý, er að safna mér fyrir svoleiðis námskeiði en það er frekar dýrt, 40 þúsund fyrir 10v. Samt ekki það dýrt ef maður metur heilsuna meira en peningana.

Þessi vikumarkmið eru 

Borða reglulega
Drekka meira vatn (þó að það sé með smá djús bragðefni)
Reyna að gera magaæfingar eða eitthverja smá þjálfun hérna heima.

Langtíma markmið

Komast í kjörþyngd
Vera í góðu líkamlegu formi, sem og andlegu.


Hugsanir
Á maður að hengja sig á einn nammidag í viku, eða leyfa sér að fá t.d smá súkkulaðibita þegar þörfin er sem mest þó að það sé á virkum degi?
Spurningar um brauðmeti, á maður frekar að fara í hrökkbrauð/kex en t.d ristaða brauðsneið? Ég sé ekki muninn annað er loftmikið hveiti og hitt er loftþétt hveiti = bæði hveiti, og ég verð ekkert södd af hrökkbrauðinu og þarf meira af því en brauði.
Annað, hvað fær maður sér í staðinn fyrir brauð?
Vitði þið um eitthvað bragðgott sem maður getur nartað í ef manni langar svo í eitthvað?

Mun svo Setja hér inn vigtunartölurnar vikulega :) og kanski ég hendi inn cm mælingunum 1 sinni í mánuði.